Në jug të vendit kanë përfunduar remontet në rrjet dhe nuk do të ketë më ndërprerje të planifikuar të energjisë elektrike.
Lajmi konfirmohet nga Drejtori i Divizionit të Shpërndarjes në OSHEE Petraq Lika i cili shprehet se nuk do të ketë ndërprerje të karakterit të planifikuar apo edhe të karakterit të paplanifikuar.
OSHEE ka ndërtuar strategjinë për të ulur kohën e ndërprerjes, numrin e ndërprerjeve, tha ai.
Lika shtoi se njerëzit janë ndërgjegjësuar, operatorët janë ndërgjegjësuar në këtë drejtim.
Ndërsa përsa i përket vonesave në këto remonte, Petraq Lika thotë se ishte për shkak të procedurave nga prokurimet.
Për të parandaluar ndërprerjet e energjisë elektrike gjatë verës sidomos në pjesën bregdetare OSHEE ka planifikuar një sërë masash ku në gatishmëri për çdo defekt do të jenë rreth 500 punonjës.
Ndërhyrjet e OSHEE në rrjet konsiderohen të domosdoshme për shkak se në rrjetin e Shpërndarjes ka munguar ndërhyrja që prej 40 viteve. (java / r.a)
