Kampioni i Kosovës dhe Ligës Ballkanike, Prishtina, ka gjetur trajnerin e ri. Pas shumë xhirove pa trajner, klubi basketbollistik ka njoftuar se ka arritur marrëveshje me trajnerin lituanez, Audrius Prakuraitis.
“Prakuraitis, në dy vitet e fundit ka qenë trajner i skuadrës rumune, BC Targu Mures.
Ndërsa para Mures, ka udhëhequr skuadrat në Superligën e Ukrainës, BC Khimik që është një skuadër mjaft e suksesshme dhe si rezultat këtë vit gjendet në vendin e parë në Ukrainë.
Ndërsa para saj ekipin tjetër ukrainas Dnipro Azot, që gjendet në vendin e katërt sivjet në po të njëjtën ligë, atë Ukrainase”, thuhet në njoftimin e klubit.
Sivjet Prishtina ka kaluar në formë shumë të dobët dhe është shumë afër eliminimit në Ligën Ballkanike, ndërsa në FIBA Europe Cup ishte eliminuar qysh në rrethin e parë, citohet Express. (b.an)
