Lorik Cana do të tërhiqet jo vetëm nga kombëtarja në përfundim të Euro 2016, por edhe nga futbolli. Kështu besojnë në Francë, ku janë të bindur se 32-vjeçari do t’i japë fund karrierës, ndonëse ka edhe një vit tjetër në kontratë me Nantën.
Zbehet hipoteza se Cana mund të transferohet në SHBA apo Azi, sikurse është thënë gjatë verës së kaluar.
Shtypi francez shkruan se Cana është i bindur se ka ardhur momenti i tërheqjes nga futbolli dhe dëshiron ta bëjë në mënyrën më të mirë, duke e zhvilluar ndeshjen e fundit duke mbajtur veshur fanellën e kombëtares, në Euro 2016.