Me mega hitin e saj “BON BON”, këngëtarja shqiptare Era Istrefi arriti të pushtojë rrjetet sociale dhe jo vetëm. Kontrata milionëshe me Sony-n, intervista në mediat ndërkombëtare, reklama të ndryshme, adhurues nga mbarë bota janë vetëm disa nga rrugët që kjo këngë i hapi Erës drejt suksesit ndërkombëtar.
Edhe pse ka mbi 1 vit që është lançuar, sukseset e kësaj kënge ende po vazhdojnë. Në filmin e fundit të Scarlet Johansson “Rought Night” në njërën prej skenave në një klub nate në sfond dëgjohet “Bon Boni” i Erës.
Kështu Era Istrefi ka bërë të dëgjohet shqip në një film të përmasave të Hollywood-it.
Scarlet Johansson, Jillian Bell, Zoe Isabella Kravitz, lana Glazer dhe Kate McKinnon janë vetëm disa nga emrat e aktoreve që luajnë në këtë film.
Kujtojmë se pas “Bon Bonit”, Era lançoi këngën “Redrum”.
Në videon e shkëputur nga filmi mund ta dëgjoni këngën e Erës nga minuta 2:40, njëherësh gjeni edhe trailerin e filmit. /b.d
