Nga Eduard Zaloshnja
Në një sondazh që kreva në janar, përfshihej edhe një pyetje mbi vlerësimin që kishin të anketuarit për punën e SPAK-ut. Ndër të anketuarit që kishin votuar për PS-në në zgjedhjet paraardhëse, plot 75% e tyre kishin vlerësim pozitiv për punën e SPAK-ut (6% negativ dhe 19% të dyzuar).
Vijmë tek e djela e fundit (14 dhjetor). Në sondazhin ‘Zëri i Shqiptarëve’, më rezultoi se vetëm 49% e të anketuarve që kishin votuar për PS-në në zgjedhjet paraardhëse kishin vlerësim pozitiv për punën e SPAK-ut në tre vjetët e fundit (22% negativ dhe 29% të dyzuar).
Ndërkohë, pothuaj 100% e tyre ishin të mendimit se SPAK-u është treguar më i ashpër me mazhorancën, se sa me opozitën. Rënia e kuotave të SPAK-ut ndër votuesit socialistë mund të lidhet pikërisht me këtë të dhënë të fundit. Votuesit socialistë po shohin se eksponentët më të lartë politikë të partisë së tyre kanë përfunduar në burg ose po kërkohet arrestimi i tyre, ndërkohë që Berisha & company nuk po akuzohen penalisht për krimin shtetëror të 21 janarit (i cilësuar kështu nga Gjykata e Strasburgut) apo për tragjedhinë e Gërdecit.
Gjithashtu në rënien e kuotave të SPAK-ut ndër votuesit socialistë mund të ketë ndikuar edhe fakti se Kryesocialisti Rama e rrëzoi paraprakisht në Gjykatën Kushtetuese kërkesën e SPAK-ut për pezullimin e Zv.Kryeministres së tij. Mbetet të shihet se çfarë qendrimi do të mbajë ai për kërkesën e SPAK-ut për heqjen e imunitetit të saj, e sesi do ta presë elektorati socialist qendrimin e tij…
SHËNIM: Në çdo sondazh ku kam pyetur rreth SPAK-ut, shumica dërrmuese e votuesve të PD-ASHM janë shprehur negativisht, ndërsa shumica dërrmuese e votuesve të partive të vogla dhe mosvotuesit janë shprehur pozitivisht.
Ne rast se SPAKU ka prova te pakundershtyese per ekspine tet e maxgirances do ngrihet perseri mbeagretja per te por ne rast se per shume ceshtje gjykata e Strazburgut do i jap pafajsine atehere esgtetja do zbehet .APAKU tani me Klodian Brahon mebdoj ae do jete ne oa abesi ne hetime