Vrau gruan dhe plagosi me çifte kunatën teksa ziente rakinë në lagjen Çoçaj në Ndroq, i shpëton dënimit me burg përjetë 56-vjeçari Kasem Lila. Gjykata e Krimeve të Rënda ka dhënë dënimin për Lilën duke urdhëruar shtrimin e detyrueshëm të tij në një spital ku qëndrojnë personat me probleme mendore.
Lila u prangos më 24 tetor 2016 pak çaste pasi me armën që mbante në shtëpi pas një debate me të shoqen qëlloi mbi të duke e vrarë. Për të parandaluar vrasjen mes çiftit ndërhyri dhe kunata e Lilës e cila për pasojë mbeti e plagosur por mundi të shpëtojë.
Raporti mjeko-ligjor i kryer me kërkesë të gjykatës ka nxjerrë se Kasem Lila është i papërgjegjshëm mendërisht e për pasojë ai duhet të izolohet. Në këtë ngjarje humbi jetën Fize Lila bashkëshortja e Kasemit dhe kunata e tij Zyhra Lila. /ma.me
