Ndriçim Xhepa, aktori i 75 roleve, ka dhënë mendimin e tij sa i përket debatit të hapur për parandalimin ose ndalimin e filmave shqiptarë të prodhuar gjatë kohës së diktaturës.
Aktori i madh i skenës dhe ekranit shqiptar jep një qëndrim të arsyeshëm dhe jo emocional, nostalgjik apo kategorik.
“Debati për filmat e para viteve ‘90 më duket i fryrë. Më duket sikur është një debat me një tenxhere bosh. Nuk jam emocional në qëndrimin tim, 10 ose 15 përqind e filmave të asaj kohe mund edhe të seleksionohen. Prefekti, figura e Qazim Mulletit ndoshta duhet riparë. Është folur shumë për Qemal Stafën. Ka ardhur në disa filma si hero në vitet e pluralizmit gjykohet ndryshe” – thotë Xhepa për TiranaPost.
Ndriçim Xhepa thotë se për t’i rregulluar këto të meta të kinostudios “Shqipëria e Re’, duhen bërë filma të rinj ku sqarohet roli i disa figurave që mund të jenë trajtuar gabim.
Të mblidhen ekspertët historianët, kineastët, regjisorë të gjenjë të vërtetën mbi figurat. Të bëjnë filma çfarë kanë qenë komunistët, ballistët, Qemal Stafa, Prefekti.
Jam shumë dakord që ka filma të cilët kanë prekur figura të caktuara e kanë deformuar të vërtetën e tyre. Mund të ketë familjarë të prekur sot me të cilët ndaj empatinë time dhe jam dakord që në këto raste të ketë seleksionim. Por nuk mund t’i marrim të gjithë filmat, janë shumë pak prej tyre”
Ka luajtur në 40 filma, por i pyetur se çfarë thotë Margarita Xhepa për filmin “Dimri i fundit”, aktori Ndriçim Xhepa thotë: Nuk është kategorike. Ja për shembull çfarë mund t’i ndryshosh “Dimrit të fundit”, çfarë ka të keqe? Në kontekstin e kohës ishte një lëvizje që tregonte ca gra që ndihmonin lëvizjen e kohës. Nuk mund të gjykojmë politikën. Me kritika ai flet për disa televizione në lidhje me filmat e para viteve ’90.
“Kam një vërejtje për disa televizione që i japin më shumë se sa duhet dhe në mënyrë bajate. Ndonjëherë çdo gjë është me vend”. /b.d
