Ky tym që del nga oxhaku i njërës prej fabrikave të përpunimit të mbetjeve të ullirit, çliron në ajër një aromë mbytëse.
Në zonën e Golemit të Lushnjës operojnë 3 fabrika të tilla, nga të cilat vetëm njëra është e licencuar, ndërsa një e katërt kërkon leje mjedisore për të hapur aktivitetin.
Në një takim me krerët e drejtorisë rajonale të mjedisit dhe të bashkisë Lushnjë, banorë t jo vetëm që kanë kundërshtuar hapjen e një fabrike të katërt, por kërkojnë mbylljen edhe të tre të tjerave, pasi ky aktivitet po sjell shqetësime serioze në shëndetin e popullatës.
Përfaqësuesit e bashkisë janë në mbështetje të banorëve.
Ankesat e shumta kundër fabrikave të përpunimit të mbetjeve të ullirit në zonë ka sjellë mbylljen e aktivitetit të njërës prej tyre.
Kjo situatë vijon prej 5 vitesh në këtë zonë. Banorët thonë se shpesh janë kërcënuar për të mos u ankuar nga bizneset, që funksionojnë pa leje në Lushnjë.
/f.s
