Autoritetet italiane kanë arrestuar një të ri shqiptar, i cili grabiti një lokal në bregdet në zonën Piazza Lemmetti.
Sipas mediave italiane, shqiptari pasi hyri brenda ambientet të lokalit shkoi në arkë duke vjedhur 300 euro dhe shishe me pije alkoolike me vlerë 1 mijë euro.
Menjëherë pranë lokalit u afrua edhe pronari, por që u kërcënua nga hajduti shqiptar duke e detyruar që të sillte më shumë shishe me pije alkoolike.
Për të kapur të riun shqiptar ndërhyri edhe një roje sigurie, por ky i fundit u qëllua me grusht në fytyrë dhe kokë dhe më pas për shkak të plagëve të marra u dërgua në spital.
Më pas kanë ndërhyrë forcat e policisë, që bënë të mundur arrestimin e shqiptarit pak metra nga lokali. Ndërkohë po punohet për të identifikuar personat e tjerë bashkëpunëtore me të riun shqiptar.
