Një ngjarje krejtësisht e pazakontë raportohet se ka ndodhur në Tiranë.
Sipas policisë, dy persona, pas një debati për motive të dobëta, kanë rrëmbyer dhe kërcënuar një kliente në një dyqan elektroshtëpiakesh te zona e ish-Doganës.
“I kanë hequr lirinë, duke e mbajtur kundër vullnetit të saj në ambientet e subjektit dhe kanë ushtruar dhunë fizike ndaj saj”, thonë blutë.
Mësohet se bëhet fjalë për një burrë dhe grua, përkatësisht 63-vjeç dhe 41-vjeçe. Kjo e fundit, gjatë shoqërimit ka goditur një punonjës policie, duke i lënë dëme të lehta.
Priten më shumë detaje në vijim.
