Janë dënuar elektricistët britanikë të cilët ishin punësuar nga një grup shqiptarësh për të vjedhur energji elektrike në mënyrë që të furnizonin “shtëpitë e barit”, duke i shkaktuar shtetit miliona paund dëm.
Të premten, tetë persona u burgosën për rolet e tyre në grupin kriminal, për të cilin hetuesit zbuluan se ishte përfshirë në ngritjen e “shtëpive të barit” në 32 zona të ndryshme, në të gjithë Mbretërinë e Bashkuar midis nëntorit 2020 dhe shkurtit 2024.
Grupi, i kryesuar nga drejtorët e kompanisë Ross McGinn, ofruan shërbimet e tyre për grupet shqiptare të krimit të organizuar, thanë hetuesit nga Njësia Rajonale e Krimit të Organizuar Veri-Perëndimore .
Firma ishte e regjistruar në Companies House dhe dy prej elektricistëve kishin profile LinkedIn në të cilat postonin foto të punës në dukje legjitime për të promovuar kompaninë.
Gjatë dënimit, gjykatësi David Potter tha se të gjithë të pandehurit ishin “të shtyrë nga lakmia për para për të vazhduar këtë tregti të paligjshme”.
Puna e tyre ishte “thelbësore” në ngritjen e ‘fermave’ të kanabisit të zbuluara në ambiente, duke përfshirë një ish-hotel, dyqane, një klub nate, një lokal dhe një dyqan bosh, tha ai.
“Shumica e njerëzve, thjesht do të mendonin se ishin një kompani e zakonshme që kryente punën, por në fakt nuk ishin. Nuk kishin leje, nuk kishin licencë. Ata nuk kishin asnjë arsye legjitime për të qenë atje, dhe në fakt, ata ishin atje për të abstraguar energjinë elektrike”, tha ai.
Nëpërmjet Operacionit Shkëndija, i ngritur për të hetuar kompaninë, policia sekuestroi bimë kanabisi me një vlerë deri në 21 milionë paund nga më shumë se 100 ferma, shumica e të cilave ishin të zëna nga shtetas shqiptarë.
Pamjet e gjetura nga hetuesit treguan shpërthime elektrike ndërsa banda gërmonte në një rrugë në Middlesbrough për të vendosur kabllot e tyre me ato ekzistuese për të marrë energji.
Një foto e gjetur në një telefon tregonte njërin prej tyre me djegie në fytyrë, që mendohej se kishte pësuar gjatë kryerjes së punës.
