E pranishme në këtë prezantim, kryetarja e bashkisë Shkodër tha se fondi i shërbimeve sociale duhet të jetë në duart e pushtetit vendor.
“Për ligjin e ri duhet të bëhet transferimi i plotë i këtij funksioni tek ata që e kanë përgjegjësinë. Duhet ti jepet fund abuzimit me ndihmën ekonomike. Nevoja për administrim në nivelin vendor të shërbimeve ditore, rezidenciale të integrimit social për të rinjtë, familjet, fëmijët, të moshuarit, nënat e vajzat do të duhej të transferoheshin. Ne kemi nevojë për mbështetje teknike e metodologjike, bashkëpunim e bashkërendim dhe nevoja për financa. Duhet të ngrihet fondi social në duart e pushtetit vendor. Duhet të vazhdojmë që ta bëjmë të mundur sistemin e menaxhimit të ndihmës ekonomike të funksionojë për një sistem planifikimi. Duhet të implementohet mirë reforma për të përjashtuar kaosin. Për politikat sociale, pushtetit vendor i duhen financa” tha ajo.
Përfaqësuesja e BB në shqipëri Tahseen Sayed ka thënë në prezantimin e kësaj reforme se është e domosdoshme që të krijohet baza e të dhënave dhe sistemi të jetë transparent.
Ndërkohë, ajo ka shtuar se menaxhimi i skemës së re duhet të reduktojë varfërinë.
“Menaxhimi i skemës së re duhet të reduktojë varfërinë. Janë analizuar problemet që në origjinë. Është paraqitur skema e re me gabimet e bëra në të kaluarën nga ekspertë botëror. Roli i administratorëve të rinj do të jetë i rëndësishëm. Është mundësi për daljen nga varfëria të familjeve në nevojë. Kjo është një skemë ambicioze por varet nga disa faktorë. Bashkëpunimi mes qeverisë dhe pushtetit vendor. Informimi për të ardhmen është ajo që do ta mbajë këtë reformë efektive. Ky është një sektor kyç që do tregojë mirëqënien e familjeve shqiptare. Kërkohet të modernizohet administrata. Është anashkaluar situata kur punohej me dosje. E rëndësishme është eficeca e reformave. Shqipëria ka nevojë për politika të reja. Ka rëndësi të krijohet baza e të dhënave. Synimi ynë ishte që sistemi të ishte transparent dhe të identifikohen gabimet e së kaluarës në skemë” tha Sayed.
ma.me
