Çmimet e reja të referencës në Tiranë do të shtrenjtojnë me deri në 35 për qind apartamentet në Tiranë. Është ky paralajmërimi i Shoqatës së Ndërtuesve që kërkon nga qeveria që të tërhiqet nga nisma.
“Me një goditje, kjo VKM ka prekur tre taksa. Konkretisht taksa e ndikimit në infrastrukturë, taksa 3% e strehimit social, si dhe 15% tatim fitimin të cilat llogariten automatikisht me çmimet e reja të referencës. Ne kërkojmë që kjo VKM të pezullohet dhe të mos zbatohet deri hyrjen e plotë në fuqi të ligjit për taksën e pasurisë”, tha Luigj Aleksi president i Shoqatës së Ndërtuesve.
“Në informacionet tona, të gjithë ata ndërtues që kanë marrë leje ndërtimi kanë hequr dorë nga zbardhja e saj. Pasi rregullat e lojës kanë ndryshuar. Automatikisht çdo taksë, tashmë do të përllogaritet në bazë të çmimeve të reja të referencës dhe sipas planit të bzinesit të hartuar me çmimet e vjetra- shprehet Erjon Harizaj kryetar shoqata e Ndërtuesve”, shtoi ai.
Referuar hartës së re të çmimeve reference e cila hyri në fuqi më 28 korrik, Unaza e Re është zona me rritjen më të madhe të çmimit të referencës me 76 për qind. Nga 65 mijë lekë për metër katror çmimi rritet në 114 mijë e 300 lekë. Alliasi, Medreseja dhe Komuna e Parisit janë zonat e tjera me normën më të lartë të shtrenjtimit me 54 deri në 57 për qind. Çmimet e referencës janë rritur në 113 mijë e 850 lekë në Don Bosko, 117 mijë e 800 lekë në Porcelan dhe 159 mijë e 100 lekë në Yzberisht./f.s
Ndertuesit kunder rritjes se cmimmeve te references,ankohen,jane zemer gjere per hadhexhijte,jo, jo kta jane ndertuesit e lali erit qe po ndertojne me parate e pista.skane ku ti shesin.