Banorët e Rrjollit janë ngritur sërish në protestë këtë të shtunë (13 qershor) për të kundërshtuar ndërtimin e një resorti turistik në zonë. Banorët janë nisur drejt kantierit të punimeve, teksa nuk kanë munguar edhe përplasjet me policinë. Protestuesit kanë hedhur poshtë rrethimin metalik të vendosur, duke u futur brenda ambienteve të kantierit.
Protestuesit mbajnë pankarta në duar me shkrime: “toka nuk preket”, ndërsa bëjnë thirrje kundër kryeministrit Edi Rama dhe drejtuesit demokrat Sali Berisha.
Projekti për resortin shtrihet në një sipërfaqe prej 147.2 hektarësh ndërsa është kundërshtuar me forcë nga banorët e zones edhe më herët, për shkak të problemeve me pronësinë e tokës. Ata pretendojnë se tokat e tyre janë grabitur me dokumente false dhe më pas i janë shitur kompanisë ndërtuese.
Ata kanë depozituar një kërkesë zyrtare në Prokurori, ku kërkojnë një zgjidhje sa më të shpejtë ligjore lidhur me vërtetësinë e dokumenteve që disponojnë për pronësinë e tokës në zonën e Rrjollit, aty ku po ndërtohet resorti turistik.
Nga ana tjetër, kompania Gener 2 ka theksuar se projekti turistik është në përputhje të plotë me legjislacionin shqiptar.
Gjeni nji zgjidhje,per ate te degjeneruarin,fatmir shkerdhaten,duhet ti ktheni reston,ashtu sic ja ka bere hysmetin,me porosine e k/hajdutit,antishqiptarit edvin karapushtit.