Kryeministri Edi Rama ka njoftuar hapjen e lejeve të ndërtimit.
I shoqëruar nga Ministri i Ekonomisë, Arben Ahmetaj dhe Drejtoresha e Përgjithshme e Tatimeve, Briseida Shehaj, Rama teksa ishte sot në fabrikën KID-ALB shpk në Tiranë, tha se “përsa i përket ndërtimit jemi në kushte të tjera dhe po çlirohet plotësisht. Njësitë e banimit në të gjithë zonën rurale, që ju i keni më problem tani ndërtohen pa problem, mjafton që të vazhdoni me procedurat në bashki”.
Kryeministri tha më tej se “tani që ne mund të themi se e kemi vënë në kontroll territorin dhe ndërtimtaria pa leje është kufizuar jashtëzakonisht shumë”.
