Gjykata e Vlorës Lidhur par fatin e ish kreut të bashkisë së Vlorës, Shpëtim Gjika, do të marrë vendimin përfundimtar në 27 korrik, ndaj të cilit rëndojnë 4 akuza: falsifikim i dokumenteve zyrtare, shpërdorim detyre, ndërtim i paligjshëm dhe veprime që pengojnë zbulimin e së vërtetës. Lidhur me këtë akuza prokurori Kuliçi, në pretencën e datës 28 qershor, ka kërkuar 9 vjet burg, për ish-kryebashkiakun.
Ndërsa, në seancën e mbajtur sot, trupi gjykues i përbërë nga Mirela Mishgjoni, gjyqtare, Arbana Selmanaj, gjyqtare, dhe Laurent Fucia, gjyqtar-relator për çështjen, kanë caktuar datën 27 korrik për marrjen e vendimit, raporton GSH.al. Akuza përfaqësohej nga prokuror Albert Kulici, ndërsa të pranishëm në sallë ishin të katër të pandehurit, Shpëtim Gjika, Doriana Sulaj, Artur Haxhi dhe Ridvan Mersinaj, ky i fundit në cilësinë e pronarit të truallit.
Ardian Leka, avokati mbrojtës i Gjikës kërkoi pafajësi për ish-kryebashkiakun e Vlorës ndërsa e konsideroi akuzën si përpjekje për të përfshirë në vetë të pare ish kreun e Bashkisë së Vlorës, duke anashkaluar sipas tij qëllimshëm padinë fillestare ngritur nga familja Osmënaj, e cila mund të trajtohej si padi civile. Shpëtim Gjika u prangos në vitin 2016, i akuzuar për falsifikim dokumentesh në dhënien e lejeve për ndërtime të paligjshme në qytetin bregdetar por më pas gjykata vendosi hetimin dhe vijimin e procesit gjyqësor në gjendje të lirë.
ma.me
