47-vjeçari me inicialet A.A., dhe një 60-vjeçar me inicialet F.R., rrezikuan të mbyten sot ndërsa po laheshin në det.

Fatkeqësisht, me gjithë ndihmën e pushuesve 60-vjeçari ka ndërruar jetë rrugës për në spital. Ndërsa 47-vjeçari ndodhet nën kujdesin e mjekëve.

Njoftimi i plotë 

Sot rreth orës 17:00, në plazhin publik në Pishë Poro, Darëzezë, shtetasit A. A., 47 vjeç dhe F. R., 60 vjeç, të dy banues në Fier, duke u larë në det kanë rrezikuar të mbyten.

Pushuesit që ishin pranë tyre dhe më pas punonjësit e Policisë që patrullojnë në bregdet, u kanë dhënë ndihmën e parë dhe i kanë çuar me ambulancë në spitalin e Fierit.

60-vjeçari ka ndërruar jetë rrugës për në spital ndërsa 47-vjeçari ndodhet në spital nën kujdesin e mjekëve.

Po punohet për zbardhjen e plotë të rrethanave të ngjarjes.