Një i dënuar ka ndërruar jetë në burgun e Zaharisë në Krujë. Ngjarja e rëndë ndodhi sot ndërsa ende nuk dihen shkaqet që çuan në vdekjen e të dënuarit, një 60-vjeçar me mbiemër Pashaj.
Ky i fundit kishte shfaqur probleme shëndetësore që ditën e djeshme. Ndërkohë, sot ai u përkeqësua dhe gjatë rrugës për në spital ka ndërruar jetë.
Burgu ku 60-vjeçari vuante dënimin është i posaçëm për persona me aftësi të kufizuara. Grupi hetimor ka mbërritur në burgun e Zaharisë dhe ka nisur veprimet për zbardhjen e plotë të ngjarjes. Ndërkohë, pritet kryerja e autopsisë nga e cila pritet të hidhet më shumë dritë mbi shkaqet e vdekjes së 60-vjeçarit.
Paraprakisht bëhet me dije se ai ka humbur jetën për shkak të një infarkti në zemër pasi ka pasur dhumbje në kraharor.
/a.m.
