Ndahet nga jeta në moshën 88-vjeçare aktorja e mirënjohur shqiptare e estradës Melpomeni Çobani. Lajmi u bë publik nga fmailjarët e artistes së madhe.
Ajo njihet mend si një prej themeluesve të estradës në vitin 1952 dhe ka një karrierë të gjatë, duke u shdnërruar ndër aktoret më të dashura të publikut shqiptar.
Karriera e Melpomeni Çobanit:
Ka punuar fillimisht si tipografe, por më vonë i përkushtohet teatrit. Pasi përfundon shkollën dyvjeçare të artit në Teatrin Popullor i përkushtohet interpretimit skenik, fillimisht në teatrin dramatik e pastaj në komedi. Është një ndër themelueset e Teatrit të Estradës më 1952, si dhe një ndër themelueset e Teatrit të Kukullave.
Role: Ka interpretuar mbi 2500 role në teatër, estradë, por edhe në film. Ndër këto role mund të përmendim: “Kopshti i jargavanëve”, “Revisori”, “Halili dhe Hajria”, “Rrënjët e thella”, “Kolltuku magjik”, “Vajza nga fshati”, “Napoloni dhe Amalia”, “Ngatërrestarja”, roli i Hamide Hanëmit, roli i Nataljas, si dhe interpretime në filmat “Kapedani”, “Estrada në fshat”, “Tana”, “Skënderbeu” etj. Më 1961 është dekoruar me titullin Artiste e Merituar, ndërsa në 1966 i jepet edhe titulli Artiste e Popullit. Ajo është nderuar edhe me medalje të veçanta si Urdhri “Naim Frashëri” i Klasit të Parë etj.
/a.m.
