Një 53-vjeçare ka ndërruar jetë në një prej autobusëve urbanë të linjës Tirana e Re. Ngjarja ka ndodhur rreth orës 15.00 në zonën e Astirit.
“Më datë 20.12.2017, rreth orës 15:00, në Sallën Operative ka ardhur një telefonatë se në Tiranë të re, në autobus një shtetase ka humbur ndjenjat.
Menjëherë në vendngjarje kanë shkuar shërbimet e Policisë dhe Ambulanca ku ka rezultuar se :
Në Tiranë të Re, brenda në autobusin e linjës Tiranë e Re, e ulur në një nga serdiljet e autobusit, shtetasja L.F., 53 vjeçe, banuese në Dibër, ka humbur jetën”, raporton policia.
Sipas mjekut të ambulancës paraprakisht dyshohet se vdekja ka ardhur si pasojë e “arrestit kardiak”
Grupi hetimor po punon për zbardhjen e plotë të shkaqeve dhe rrethanave të ngjarjes./a.m.
