Semra Dinçer , aktorja e kinemasë dhe serialeve televizive është ndarë nga jeta ditën e sotme pasi luftonte prej vitesh me kancerin në mushkëri. Aktoria ka marrë pjesë në shumë seriale të njohura televizive edhe për ekranet tona si, Kavak Yeelleri, Kuzey Güney dhe İstanbullu Gelin.
Sipas HaberTurk, aktoria po luftonte prej 2 vitesh në një betejë me kancerin. Këngëtari turk Haluk Levent njoftoi vdekjen e artistes. Levent e bëri të ditur lajmin përmes një postimi në llogarinë e tij në Twitter.
“Ishte kancer në mushkëri, prej 2 vitesh. Sapo humbëm aktoren Semra Dinçer. Ngushëllime fansave të saj”- thuhej në postim.
Në deklaratën e bërë nga Sindikata e Aktorëve u tha: “Jemi të pikëlluar për humbjen e anëtares sonë themeluese, koleges sonë të nderuar Semra Dinçer. I urojmë durim të gjithë fansave të saj, veçanërisht familjes së saj. Jemi shumë të pikëlluar. Ngushëllimet tona.”
