OSBE ka kritikuar ashpër lënien e mandateve nga deputetët e opozitës si dhe protestat e dhunshme.
Përmes një njoftimi për mediat, prezenca në fjalë e cilëson këtë akt si shmangie e përgjegjësisve.
Institucioni në fjalë shprehet i keqardhur që PD dhe LSI nuk dëgjoi partnerët ndërkombëtarë. Nga ana tjetër, OSBE thotë se ky është një presion jodemokratik.
Por pas OSCE, presioni mbi opozitën është shtuar edhe nga ambasadori italian.
Alberto Cutillo, ka paralajmëruar opozitën për protestën e nesërme. Ai shprehet në një deklaratë se nxitja e dhunës nuk mund të justifikohet.
Përmes një reagimi të shkurtër, diplomati amerikan thekson se shprehja e dhunës do të dënohet me vendosmëri nga Roma zyrtare.
“Protestat janë një mjet ligjor i shprehjes së shoqërisë demokratike, por liria e shprehjes nuk mund të justifikojë deklaratat që nxisin dhunën dhe akte akoma më pak të dhunshme. Shpresoj se demonstrimet e së nesërmes do të jenë paqësore dhe se respekti i plotë për institucionet e shtetit do të mbahet. Çdo shprehje e dhunshme e mospajtimit do të dënohet me vendosmëri nga pala italiane” – thotë ambasadori Cutillo.
Ndërkohë që OSBE shkruan:
Vendimi i deputetëve të opozitës për t’u dorëhequr nga Kuvendi minon procesin demokratik ligjvënës dhe përbën një heqje dorë nga përgjegjësia e tyre për të përfaqësuar qytetarët që i kanë votuar. Reformat thelbësore dhe gjerësisht të mbështetura po vonohen.
Prezenca e OSBE-së këshillon fuqishëm që të mos ndërmerret asnjë përpjekje për të tronditur themelet e demokracisë përmes dhunës, që të mos ndryshohet procesi demokratik përmes presionit jodemokratik.
Ata që mundësojnë dhe nxisin dhunën do të mbajnë përgjegjësi. Na vjen keq që paralajmërimet e kaq shumë miqve dhe partnerëve afatgjatë të Shqipërisë nuk u dëgjuan.
Bazuar në përkrahjen tonë të kahershme për Shqipërinë, ne bëjmë thirrje për sjellje të përgjegjshme dhe për rifillim të procesit demokratik në Kuvend, një nga arritjet e Shqipërisë demokratike moderne. Shqipëria ka bërë përparim domethënës përgjatë dy dhjetëvjeçarëve të fundit, në fushën politike, ekonomike dhe shoqërore, duke lënë pas autoritarizmin.
Ky përparim duhet të vijojë për të mirën e të gjithë qytetarëve shqiptarë dhe jo të përmbyset në dobi të një grushti dhunuesish.
/a.rada
