Me mijëra persona po i japin lamtumirën e fundit ikonës braziliane të futbollit Pele në qytetin e Santosit.
Trupi i të ndjerit u vendos ditën e hënë në qendër të fushës në stadiumin “Vila Belmiro”, ku luan klubi ku legjenda braziliane arriti suksese të mëdha dhe dha një kontribut të paçmuar për ta futur në histori.
Pele u transferua në vitin 1956 në Santos dhe jetoi atje në pjesën më të madhe të jetës së tij.
Të martën, arkëmorti i Pelesë, do të shëtisë për herë të fundit në rrugët e qytetit të tij të dashur i shoqëruar nga mijëra banorë, përpara se të përcillet në banesën e fundit në një ceremoni private.
Për t’i dhënë lamtumirën e fundit do të jetë edhe presidenti i sapozgjedhur i Braizlit, Luiz Injacio Lula, si dhe zëvendëspresidenti Geraldo Alçkmin.
Rreth 5 mijë gazetarë nga e gjithë bota janë akredituar e do të marrin pjesë në ceremoninë ku legjendës braziliane të futbollit do t’i jepet lamtumira e fundit.
/a.r
