Ekskluzive/ “Unë nuk jam terrorist dhe nuk do të përleshësha me huliganët serbë në Elbasan Arena, prandaj më vjen shumë keq që jam ndaluar të jem i pranishëm në stadium për të parë ndeshjen 8 Tetorit”.
Ky është reagimi i Ismail Morinës, i njohur si Ballisti pas vendimit të FSHF, që të mos lejohet të jetë në stadium në ndeshjen me Serbinë.
Ballisti shprehet se do të pranonte që të privohej nga ndjekja e ndeshjes në stadium, por vendimi të mbahej i fshehtë.
“Do të ishte më mirë që FSHF së bashku me Policinë të mbanin të fshehur këtë vendimin duke mos e bërë publike.
Megjithatë unë i uroj suksese kombëtares përballë serbëve dhe kualifikim në Europian”shprehet ai.
Edhe pse nuk e pranojë zyrtarisht, vendimi i FSHF duket se ka ardhur pas presionit të Serbisë, që njeriu që ngriti dronin, që solli më pas humbjen në CAS të mos jetë i pranishëm në stadium.
