Një 27-vjeçar nga Kosova ka rënë në pranga, pasi ishte shpallur në kërkim ndërkombëtar nën akuzën për veprën penale ‘dhunim personi’. Burime zyrtare bëjnë me dije se bëhet fjalë për Mustafa Kodra, banues në fshatin Leshan të Kosovës.
“Më datë 12.11.2016, Specialistët e Policisë Kufitare Morinë-Kukës, bënë arrestimin provizor me qëllim ekstradimi të shtetasit Kosovar dhe konkretisht: Mustafa Kodra, 27 vjeç, banues në fshatin Leshan të Kosovës.
Arrestimi i shtetasit u bë pasi gjatë regjistrimit në hyrje të stacionit PKM Morinë-Kukës, rezultoj shtetas ‘’i shpallur në kërkim ndërkombëtar’’, i shpallur në kërkim nga Interpol Zagrebi, Kroaci, për veprën penale “Dhunim personi”. Materialet proceduriale i kaluan për veprime të mëtejshme, Prokurorisë së Rrethit Gjyqësor Kukës.”, citohet në njoftimin e policisë së Kukësit.
