Mjeku dhe profesori i njohur i mjekësisë, Feçor Agaçi, ka ndërruar jetë në moshën 75 vjeçare.
Ai mbante detyrën e shefit të Shërbimit të Endokrinologjisë të Qendrës Spitalore Universitare “Nënë Tereza”.
Lajmin e trishtë e dha mjeku Erion Dasho.
“Sot u nda nga jeta Prof. Feçor Agaçi, mjeku i përkushtuar, profesori i drejtë dhe i ndershëm i Fakultetit të Mjeksisë. Për mua edhe miku më i ngushtë i fëmijërisë së babait tim. Të qoftë dheu i lehtë, i dashur profesor! Qofsh i kujtuar jo vetëm nga familjarët e miqtë e tu, por edhe nga mijëra pacientët për të cilët u kujdese dhe qindra mjekët e rinj që mësove”, – shkroi Erion Dasho.
Mjeku Feçor Agaçi lindi në Berat në vitin 1945.
Në vitin 1968 Feçor Agaçi ka mbaruar Fakultetin e Mjekësisë në Universitetin e Tiranës dhe është diplomuar “Mjek i Përgjithshëm”.
Në vitet 1969-1972, ka punuar si mjek i përgjithshëm në Spitalin Civil të Beratit, si dhe në Poliklinikën Qendrore të këtij qyteti.
Nga viti 1972 e në vazhdim, pa ndërprerje ka qenë pedagog i Fakultetit të Mjekësisë në Universitetin e Tiranës, fillimisht në lëndën e Fiziologjisë Patologjike dhe më pas në atë të Endokrinologjisë.
Në vitet 1993-2001, ka qenë Shefi i Shërbimit të Endokrinologjisë në QSUT. Në 2006 e në vazhdim, pas një ndërprerje pesë vjeçare rifilloni të drejtonte përsëri këtë shërbim.
/a.r
