Është ndarë nga jeta ish-deputeti i Partisë Demorkatike Idriz Xhumara. Shkak për vdekjen e tij në moshën 68-vjeçare është bërë një sëmundje e rëndë, nga e cila Xhumara vuante prej disa kohësh. Lajmin e trishtë e ka dhënë deputetja e PD, Dhurata Çupi, përfaqësuese e qarkut të Dibrës.
“Një ikje e parakohëshme, një largim që lë pas shumë dhimbje por edhe vlera.
Sot mora lajmin e hidhur të ndarjes së parakohëshme nga jeta të ish deputetit Idriz Xhomara,I cili lë pas një kontribut të jashtëzakonshëm për zhvillimin e demokratizimin e Matit. Deputeti i përballjeve të drejtpërdrejta dhe i guximit Idriz Xhomara sot nuk është më mes nesh, pasi një sëmundje e papritur i mori jetën në moshën 68 vjecare.
Përcjell ngushëllimet e mia familjarëve, gruas dhe fëmijëve për këtë humbje . Zoti u dhëntë forcë për ta përballuar.
Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na le detyren për t’i vijuar. Ngushëllime. U prehsh në paqe koleg i nderuar”, shkruan deputetja.
Idriz Xhumara ishte deputet në legjislautrën e vitit 2005 si përfaqësues i PD, ndërkohë në 2009-ën ai u përtjashtua nga lista e kandidatëve, i cili renditej i gjashti dhe në vend të tij u përcaktua Dhurata Çupi, duke plotësuar në këtë moment edhe kushtin e përfaqësimit të femrave.
