Udhëheqësit e NATO-s pritet të konfirmojnë në samitin në Vilnius se situata në Kosovë është serioze dhe se misioni i NATO-s, KFOR, është atje për të garantuar sigurinë e të gjithë qytetarëve, përfshirë edhe të pakicës serbe në veri.
Këtë e tha Milan Niç, nga Këshilli Gjerman për Marrëdhënie me Jashtë. Në një intervistë për Radion Evropa e Lirë, Niç thotë se telashet për Kosovën do të ishin shumë më të mëdha nëse NATO-ja nuk do të ishte atje.
Sipas tij, ky është një nivel ndryshe i konfliktit, me sulme fizike ose konfrontime në veri, struktura paralele e shpërthime, ku një incident i vogël mund të çojë në diçka më të madhe. Duke u ndalur te Serbia, Niç deklaron se presidenti Aleksandar Vuçiç, mund ta luajë edhe për kohë të gjatë lojën “edhe Perëndimi, edhe Rusia”.
/f.stafa
