National Geographic e ka renditur Shqipërinë si një nga 21 vendet që duhet të vizitohen në vitin 2018. Në listën ku qëndron edhe Etiopia, Argjentina, Dublinia apo Jordani, Shqipëria renditet në vendin e 17.
Prestigjiozja National Geographic thotë se Shqipëria ka ujëra të paeksploruara, ndërsa shkruan gjithashtu se anijet e fundosura dhe shpellat e rralla janë një thesar për të gjithë të pasionuarit pas zhytjes. Gjithashtu National Geographic shkruan se gjatë regjimit të Enver Hoxhës zhytja nuk lejohej për të parandaluar arratisjen e mundshme të shqiptarëve.
Edhe kryeministri Edi Rama e ka nisur mëngjesin e kësaj së diele duke ndarë këtë lajm të bukur për Shqipërinë.
“MIRËMËNGJES 😀
dhe me këtë artikull të National Geographic që e rendit Shqipërinë ndër 21 destinacionet turistike që nuk duhen humbur në 2018-n, ju uroj një të dielë të qetë🌹”, shkruan kryeministri Rama.
Në artikullin e “National Geographic” turistët këshillohen të vizitojnë vende me resurse të mëdha, ushqime tradicionale interesante, si dhe një natyrë të veçantë edhe pse ushtrimin e sporteve të ndryshme.
Mes 21 vendeve të përmendura në artikull, ku përfshihet edhe Shqipëria, janë Etiopia, Argjentina, Gjeorgjia, Austria, Australia, etj.
a.ç
