Naser Aliji ka qenë i pafat, sepse u dëmtua në kavilje gjatë stërvitjeve të kombëtares në prag të kualifikueses me Serbinë. Kësisoji, ka mbetur jashtë epilogut të kësaj fushate kualifikuesesh për “Euro 2016”, por jo jashtë emocionit, ankthit dhe lumturisë që mund të sjellë një fitore në Armeni, e cila na dërgon direkt në Francë.
De Biazi ka vendosur ta aktivizojë atë në vend të Agollit, që mungon për shkak kartonësh. Pak orë para përballjes tepër të rëndësishme me armenët, futbollisti i kthyer te Bazeli, ka dhënë këtë mesazh për shqiptarët:
“Përshëndetje të nderuar tifozë, miq dhe shokë! Sot, në ora 18:00, luajmë kundër Armenisë. E di se jeni shumë të dëshpëruar me humbjen ndaj Serbisë, ashtu siç ishim edhe ne. Dy ndeshjet e fundit, minutat shtesë, për ne ishin fatale, por futbolli është i tillë. Nga dëshira e madhe për të arritur fitore ndaj tyre, në fund u ndëshkuam. Vërtet e dhimbshme, shumë! Urojmë që sot të japim maksimumin për të arritur fitoren, e cila na mundëson kualifikimin në Europianin “Francë 2016”. Urojmë që sonte, të gjithë të gëzohemi dhe të festojmë së bashku!”
