Në Napoli, merkato e transferimeve është në rendin e ditës. Presidenti Aurelio De Laurentiis synon t’i japë Rino Gattuso një ekip edhe më cilësor sezonin tjetër dhe dëshmia e kësaj është negociata për zbarkimin te axurrët e talentit Victor Osimhen, 21-vjeçari nga Lille. Sidoqoftë, negociatat janë ndërlikuar.
Sipas raportimeve nga Spanja, alternativa numër një për futbollistin nigerian do të ishte sulmuesi i Real Madridit, Luka Jovic.
Sulmuesi blancos, këtë sezon nuk ka arritur të shprehë potencialin e plotë, kjo është arsyeja pse presidenti Florentino Perez ka vendosur ta shesë atë në një shifër më të ulët se çmimi i paguar vitin e kaluar për ta blerë, 60 milion euro nga Frankfurt.
Me 40 milion, Aurelio De Laurentiis mund të blinte një futbollist të shkëlqyeshëm, me hapësirë të bollshme për përmirësime.
Për më tepër, mes Real Madridit dhe Napolit, siç raportohet nga Spanja, këtë vit mund të ketë një punë të madhe si disa vite më parë. Presidenti blu, në të vërtetë, do të interesohej jo vetëm për Luka Jovic, por edhe për Nacho, Vazquez dhe Rodriguez.
Prandaj, tre ose katër lojtarë mund të arrijnë nga Real. Kjo sjell në mendje atë që ndodhi në epokën e Rafa Benitez, ku Raul Albiol, Gonzalo Higuain dhe José Maria Callejon arritën nga Real Madrid. Të gjitha transferimet ishin të goditura.
g.kosovari
