Wayne Rooney nuk po kalon momente të mira këtë sezon në Premierligë. Paraqitjet e reprezentuesit anglez nuk i kanë lënë mbresa Jose Mourinhos.
Sipas mediave britanike ‘Special One’ po mendon që Rooney-n ta lërë në bankën rezervë në ndeshjen e radhës.
Por, në krahë anglezit i ka dal ish anëtari i Manchester United-it, tani i Valencias, Luis Nani, përcjell Express.
“Rooney është një lojtar i veçantë i fortë, me cilësi të shkëlqyera dhe vizion. Ai është shumë inteligjent,” tha Nani për OMNISPORT.
“Ai është një lojtar i cili është një pjesë e madhe e Manchester Unitedit. Ai ka mundësinë që të përmirësohen dhe të shkruaj historinë.
Nëse ai vazhdon të luajë në nivel të lartë mund të bëhet më i miri në United”, ka theksuar portugezi. (b.an)
