Një shpërthim i fortë dhe një seri të shtënash me armë zjarri janë dëgjuar në Universitetin Amerikan të Kabulit në Afganistan. Lajmi konfirmohet nga banorë dhe dëshmitarë të lagjes “Durulaman” në kryeqytetin afgan. “Jam i bllokuar në klasën time me shokë të tjerë”, – ka thënë një student në telefon për agjencinë franceze të lajmeve Afp. Rektori i universiteit ka folur për “një sulm nga ana e një komandoje të armatosur me militantë”, që ka shkaktuar 12 të plagosur dhe me siguri edhe disa të vdekur.
Shumë studentë kanë kërkuar ndihmë përmes rrjeteve sociale, siç ka bërë edhe fotografi i “Associated Press”, Premio Pulitzer nel 2012, Massoud Hossaini: “Ndihmë, jemi bllokuar brenda në universitet. Ka të shtëna pas shpërthimeve. Ky mund të jetë mesazhi im i fundit”. Reporteri më pas arriti të largohet në mënyrë rokamboleske së bashku m dhjetëra studentë nga një dalje emergjence në zonën veriore të kampusit.
“Pas shpërthimit, disa persona të paidentifikuar u futën në universitet”, – ka treguar Mohammad Sharif Faiz, duke shtuar që “të gjitha rrugët që të çojnë në universitet, janë mbyllur”. Një zëdhënës i policisë, Humayon Aini, ka shpjeguar që “pas shpërthimit, militantë me bomba kanë hyrë në universitet. Aini ka shtuar që terroristët janë përfshirë në përleshje me armë me policinë, që ka rrethuar zonën. Në brendësi të kampusit ndodhen qindra studentë dhe profesorë, shumë nga të cilët me kombësi amerikane. Shumë dëshmitarë i përshkruajnë shpërthimet që i paraprinë sulmit si shumë të forta, aq sa ndriçuan qiellin. Sulmi vjen pasi rrëmbimit të dy profesorëve së universitetit, një amerikan dhe një australian, që ndodhi në qendër të Kabulit në fillim të muajit. Kolegji amerikan, i hapur në vitin 2006, numëron më shumë se 1.700 studentë./shqip/r.a
