Disa drejtorë të MAS kanë kallëzuar ministren teknike të PD Mirela Karabina, duke e akuzuar se ka intimiduar stafin e insitucionit në kryerjen e detyrave.
Por, pas padisë nga drejtorët, ka reaguar ministrja përmes një deklarate shpërndarë për mediat. Ajo thotë se kallëzimi tregon gjendjen e paligjshmërisë ku gjendej isntitucioni kur sipas Karabinës erdhi në detyrë.
REAGIMI I MAS
Nisur nga prononcimi publik i ditës së sotme i disa punonjësve të Ministrisë së Arsimit dhe Sportit (MAS), sqarojmë se: Parregullsitë dhe situata antiligjore në Ministrinë e Arsimit dhe Sportit të deklaruara nga Ministri Mirela Karabina, që në javën e dytë në drejtim të këtij institucioni, po vërtetohen nga akti i prononcimit publik, këtë herë edhe nga disa punonjës së institucionit të MAS.
Veprime të tilla dëshmojnë domosdoshmërinë urgjente të reformimit rrënjësor të administratës publike.
Ftojmë institucionin e Prokurorisë të hetojë me seriozitetin më të madh këtë situatë absurde të krijuar në MAS.
