E njihni Action Bronson? Ose ndryshe Arian Asllanin? Është një muzikant rep i lindur në Nju Jork nga një baba shqiptar dhe një nënë izraelite. Sot është një ndër emrat më të njohur të muzikës rep në SHBA, me hitet e tij të njohura si “Baby Blue” dhe “Easy rider”.
Këngët e Action Bronsn janë të ashpra, si vetë muzika rep. Në tekstet e tij ai është jo rrallë i dhunshëm, duke përdorur edhe fjalë banale. Gjithsesi muzika e tij është në ekspansion në tregun amerikan. Por 42 mijë banorë të Torontos nënshkruan një peticion që Action Bronson të mos këndojë në një festival në qytetin e tyre kjo për shkak të këngëve të tij që janë, sipas organizatorëve, joetike dhe agresive. Megjithatë, ky vendim e ka lënë indiferente këngëtarin amerikano-shqiptar. Në llogarinë e tij në rrjetin social “Tëitter” ai ka shkruar: “E kujt i intereson!! Ju do të shihni edhe shumëçka nga unë edhe për shumë vite të tjera dhe do të keni prapë për çka të më urreni. Rrini të informuar”.
Më poshtë mund të ndiqni një video, nga emisionet e Action Bronson, ku ndër të tjera flitet për gatimin dhe gjellët shqiptare, në shtëpinë e të afërmve të tij në Brooklyn të Nju Jorkut.
