Kadri Veseli e Ramush Haradinaj nuk do të marrin vota nga deputetët e Lidhjes Demokratike të Kosovës.Për këtë është i bindur kryetari i LDK-së, Isa Mustafa, duke thënë se seanca e 3 gushtit nuk do të jetë e favorshme për koalicionin PAN, raporton KTV.
Madje, këtë kryeministri në detyrë thotë se nuk do ta bëjnë as deputetët e partive që janë në koalicion, AKR-së dhe Alternativës.
Mustafa po ashtu beson se as deputetja e zgjedhur Teuta Rugova, nuk do ta votojë për koalicionin PAN.
E për të bijën e Ibrahim Rugovës, kanë folur edhe familjarë të saj nga fshati Cerce i Istogut.Ditë më parë, vajza e presidentit të ndjerë Ibrahim Rugova, ka zhvilluar një takim me të nominuarin për kryeministër Ramush Haradinaj.
Ajo madje, përmes një statusi në profilin e saj në Facebook, pati kërkuar nga LDK-ja që të votohet qeveria e gjerë që sipas saj po kërkohet nga miqtë ndërkombëtarë, por pas reagimeve të shumta ajo ka me një status po në Facebook pati thënë se do të votojë njëjtë sikurse partia së cilës i takon. (b.an)
