Muslimanët shqiptarë dhe alkoli, ja shifrat surprizë të anketës
Tetë përqind e muslimanëve në Shqiperi dhe 12 përqind e atyre në Kosovë mendojnë se konsumi i alkolit është “moralisht i gabuar”. Këto janë shifrat surprizë të një ankete të kryer nga “Pew Research Center” në dy vendet. Në Kosovë 64 përqind e të anketuarve dhe 51% e atyre në Shqiperi, thonë se alkoli mund të perdoret.
Pjesa tjetër e botës muslimane jep përgjigje shumë më konservatore. Kështu, nëntë nga dhjetë personat e anketuar në Tajlandë (98%), Gana (93%), Malajzia (93%), territoret palestineze (92%), Indonezia (91%), Nigeria (91%) dhe Pakistani (91%) thonë se nuk duhet konsumuar alkol. Gjithsesi në 11 prej 37 vendeve, të paktën një në dhjetë persona përgjigjen se pirja e alkoolit është moralisht e pranueshme, duke përfshirë në Çad (23%), Mozambik (20%), në Republikën Demokratike të Kongos (17%), dhe Bosnje-Hercegovina (16%).
Duhet shtuar se sipas anketës në fjalë, në shumë vende njerëzit mendojnë se konsumimi i alkoolit nuk është një çështje morale. Këtu përfshihet Afganistani (23%) dhe Çadi (20%), si dhe shtetet ish-komuniste si Shqipëria (34%), Bosnje-Hercegovina (21%) dhe Azerbajxhani (20%).
