Shkrimtari nga Kosova Musa Ramadani është fituesi i edicionit të tretë të “Çmimit Kadare” me romanin e tij Profeti nga Praga, njofton gazeta Shqip.Çmimi “Kadare” i kthyer tashmë në traditë në letërsinë shqipe, u akordua gjatë Ditëve Letrare të Razmës. Ky çmim u shpall nga ish – ministri i kulturës francez Frederic Miterrand.
“Çmimi Kadare” 2017 u akordua nga Instituti Europian Pashko me mbështetjen e Universitetit Europian të Tiranës, ku në listën finale të jurisë ishin 6 autorë me veprat e tyre, nga 36 dorëshkrime nga autorë të ndryshëm nga të gjitha trevat shqipfolëse që janë dorëzuar gjatë muajve të aplikimit për këtë çmim.
Juria prej pesë anëtarësh e drejtuar nga shkrimtari dhe përkthyesi Bashkim Shehu u mblodh për herë të fundit gjatë Konferencës Shkencore “Kujtesa dhe Letërsia” e cila u organizua nga Departamenti I Komunikimit dhe Marrëdhënieve me Publikun të Universitetit Europian të Tiranës.. Shkrimtari Musa Ramadani .
Vlera e këtij çmimi Musa Ramadani është 10 mijë euro si edhe botimin e librit nga Botimet Mapo.Musa Ramadani me “Profeti nga Praga” ka sjellë një roman të vecantë si për nga forma ashtu dhe nga përmbajtja.
Duke qenë i strukturuar në tregime të lidhura fort m njëra-tjetrën, “Profeti nga Praga” shpërfaqet si një mozaik rrëfimesh dhe kolazh teknikash narrative, I cili një roman për letërsinë, si tekst kënaqësie dhe akt përjetësie, ku krijuesi shpaloset si një libër I hapur ndaj konteksteve dhe konotimeve të ndryshme, përgatiti Koha. (b.an)
