1100 murgesha të 80 shtete të ndryshme të botës kanë flakur uniformën për t’u shndërruar në prostituta. Por nuk bëhet fjalë për të ndërruar “profesion”. Ato janë pjesë e një task force për shpëtimin e viktimave të prostitucionit.
Ideja ka ardhur nga filantropi dhe bankieri John Studzinski. Murgeshat infiltrohen mes prostitutave dhe pasi hyjnë në kontakt me to, mësojnë historitë dhe i ndihmojnë të dalin nga rrjeti i prostitucionit. Misioni i tij ka nisur në 2004 dhe deri tani ka arritur të shpëtojë mijëra femra.
Filantropi miliarder ka treguar edhe disa histori drithëruese të femrave që ka arritur të shpëtojë. “Një prej vajzave u burgos një ditë të tërë pa ushqim dhe ujë. E detyruan të hante jashtëqitjet e saj pasi nuk arriti të shkonte me më shumë se 12 klientë në ditë, sa ishte dhe objektivi i saj”, rrëfeu Studzinski.
