Rreth 1 mijë banorë të Zejmenit në Lezhë prej të paktën 5 ditësh nuk furnizohen me ujë të pijshëm. Nga reshjet e dendura transformatori i pompave të ujësjellësit ka dalë jashtë funskioni, çka ka lënë pa ujë të pijshëm zonën e Zejmenit. Banorët kërkojnë që të ndërhyhet për rivënien e pompave të ujësjellësit në punë, pasi sic thonë, janë taksapagues të rregullt.
Më shume se 1 mijë banorë në fshatin Zejmen të Lezhës, prej 5 ditësh nuk furnizohen me ujë të pijshem.Shkak është bërë djegia e transformatorit që furnizon me energji stacionin e pompave. Përballë kësaj situate banoret thonë se janë të detyruar që të udhëtojnë në Lezhë apo Milot për të mbushur bidonat që të sigurojnë ujin e pijshem.
Ata shtojnë se janë taksapagues të rregullt dhe kërkojnë shërbim.
Banorët: Ka disa dite qe mungon, thonë që është djegur pompa. Por ne ashtu siç paguajmë duam të kemi edhe ujin.
I kontaktuar Administratori i Zejmenit Edmond Ndreu thotë se i është kërkuar OSHEE që të ndërhyjë për zëvendësimin e transformatorit të djegur, por ky insitucion ende nuk ka marrë asnjë masë.
Nga ana e saj, Operatori i Shpërndarjes së Energjisë Elektrike, shpjegon se transformatori është në varësi të bashkisë, pasi është pronë e ujësjellësit që menaxhohet nga njësia vendore./oranews/a.k
