Pamjet që shihni tregojnë përforcimet e Policisë së Shtetit para Kuvendit, pasi jashtë këtyre ambienteve do të mbahet një protestë nga opozita.
Siç dihet tashmë seanca plenare pritet të nisë në orën 17:00, ndërkohë po në këtë orë opozita nis protestën e saj.
Siç shihet dhe nga pamjet e siguruara nga Ora News për përforcime në mbrojtjen e godinës parlamentare kanë ardhur autobote me ujë si dhe furgonë të shumë policie.
Rreth 1100 efektivë policie do të jenë të gatishmëri për protestën e opozitës sot para Parlamentit. Gjithë perimetri i godinës së seancave plenare do të jetë i rrethuar me uniforma blu, ndërsa në të gjithë zonën janë shtuar masat e sigurisë.
Forca të shumta të policisë si dhe efektivë të Gardës do të jenë të dislokuara edhe në pjesën anësore nga krahu i “Pedonales” nga pritet të bëhet edhe hyrja e deputetëve.
Po ashtu, policia ka marrë masa edhe për bllokimin e rrugëve, ku rreth orës 15:00 do të ketë kufizime të qarkullimit në rrugën “Xhorxh Bush” dhe pjesërisht në bulevardin “Zhan Dark” dhe kryqëzimi i rrugës së Elbasanit.
Thjeshte deri ne keto momente mungojne protestuesit, te cilet me gjithe thirrjet e Berishes per pjesemarrje, nuk po tunden nga shtepite./m.j
