Çmimi i qumështit është dyfishuar në krahasim me vitin e kaluar, duke bërë që të gjitha produktet e bulmetit të pësojnë rritje. Këtë fakt e pranojnë edhe drejtuesit e baxhove, të cilët tregojnë se kjo vjen për shkak të mungesës së qumështit në treg.
“Pothuajse të gjithë çmimet e produkteve të bulmetit janë rritur. Është rritur me rreth 80% çmimi i produktit të gatshëm”, thotë Nertil Myrtollari, menaxher kompanie bulmeti.
Por çfarë e ka shkaktuar këtë rritje drastike të produktet e bulmetit?
“Sepse është rritur çmimi i qumështit. Ka një mungesë të qumështit në treg. Kërkesa për bulmet është shumë e lartë ndërsa oferta e qumështit është e ulët”, tregon Myrtollari.
Situata bëhet me e vështirë për moshën e tretë, të cilët tregojnë se e kanë të pamundur blerjen e bulmetit me çmimet e reja.
“Ç’të bëjmë? Shkojmë marrim e ikim. Të tëra janë rritur, djathi, gjalpi, qumështi, të tëra. Ku hamë ku nuk hamë, ne pensionistë jemi, me 150 mijë lekë. Shyqyr që kemi fëmijët që e përballojmë”, shprehet një e moshuar.
“Unë jam pensionist, marr 87 mijë, ku ta ble unë qumështin. Do marr gjëra të kualitetit të dytë se s’kam mundësi. Borxh të marr? Shikoj gjërat më të lira. E kam ndjerë shumë”, thotë një tjetër.
Në janar të 2022 çmimi i qumështit ishte 40 lekë, ndërsa sot është 80 lekë. Gjithashtu edhe djathi, kushtonte 500 lekë një vit më parë, ndërsa sot kushton 850 lekë.
Një ndër faktorët e rritjes janë edhe eksportet nga jashtë, të cilët kanë një efekt zinxhir për shkak te kostove të larta apo edhe mungesës për subvencion nga shteti. Autoriteti i konkurrencës ka ngritur një grup pune sa i takon situatës për të parë dhe evidentuar arsyen e rritjes se çmimit dhe nëse tregtaret kane abuzuar./m.j
