Presidenti i Shqiperise, Ilir Meta u eshte drejtuar sot me nje thirrje gjithe bashkekombesve tane ne Malin e Zi, per zgjedhjet e 30 gushtit.
Me nje videomesazh postuar ne faqen e tij ne Facebook, Meta i quan nje mudnesi e shkelqyer për të forcuar akoma më shumë perspektivën europiane të vendit të tyre.
MESAZHI I METES
Zgjedhjet e 30 gushtit janë një mundësi e shkëlqyer për të gjithë qytetarët e Malit të Zi, për të forcuar akoma më shumë perspektivën europiane të vendit të tyre.
Me këtë rast, shpreh bindjen se bashkëkombasit tanë në Malin e Zi, do ta shfrytëzojnë këtë mundësi historike përmes pjesëmarrjes së gjerë, por njëkohësisht përmes mbështetjes së tyre për alternativat shqiptare, në mënyrë që përfaqësimi i tyre në Parlamentin e Malit të Zi të rritet, si dhe në të gjitha institucionet e ardhshme qeverisëse.
Të jemi krenar për rolin dhe kontributin historik që faktori shqiptar në Malin e Zi ka luajtur deri sot.
Por pa dyshim që do të luajë edhe në të ardhmen, për të garantuar perspektivën europiane të këtij vendi mik, fqinj dhe partner i pazëvendësueshëm, për paqen dhe stabilitetin në rajonin tonë. 🇦🇱🤝🇲🇪
g.kosovari
