Ish-presidenti i vendit dhe aktualisht kreu i Partisë së Lirisë, Ilir Meta u arrestua dje me urdhër të SPAK dhe firmosur nga GJKKO.
Avokati Ermal Hamataj, i ftuar në një intervistë televizive, referuar akuzave që rëndojnë mbi Metën, tha se kemi të bëjmë me akuza mjaft të rënda të bazuar në prova nga SPAK që kanë çuar në izolimin e menjëhershëm të subjektit të dyshuar.
“Akuzat janë goxha të rënda, mjafton vetëm ajo e korrupsionit, për të mos përmendur atë të pastrimit të parave që janë vepra që fillojnë nga 7-15 vite burgim.
Pastaj shto këtu veprën e mosdeklarimit të të ardhurave dhe shpenzimeve që bëhet fjalë për një lobim 400 mijë € në Amerikë që nuk është deklaruar nga çifti Meta, të cilët kanë qenë të dytë subjekte deklaruese në ILDKPI. Por kjo është vepra më e lehtë, këto dy të parat janë shumë të rënda.
Ato fillojnë nga 7-12 vite burgim dhe janë vepra që sipas Kodit të Procedurës Penale ta bëjnë të domosdoshëm arrestimin e subjektit sepse te arrestimi i tij nuk është pjesa e aksesit të provave por është edhe pjesa a marshit të dënimit sepse sa më i lartë dënimi ta bën të domosdoshëm izolimin e subjektit.
Në këtë sens tani duhet të ndalemi, kemi të bëjmë dikë që ka qenë kryetra parlamenti, President dhe Kryeministër, a ka prova të tilla që SPAK ka arritur deri në këtë pikë.
Për aq kohë sa është caktuar një masë sigurimi, dyshimi të bën të besosh e prova duhet të ketë. ne të Të gjithë e hamendësonim se politikanët tanë janë të korruptuar, por në momenti kur një politikan vendoset para drejtësisë dhe pretendohet se ia ke faktuar këtë korrupsion ne mëremi dhe fillojmë të flasim ta hiqnin zvarrë apo ta merrnin me temena”, tha ai.
Për avokatin Hamataj, nëse akuzat vërtetohen, Ilir Meta rrezikon të dal nga burgu minimalisht pas 5 vitesh.
“Ilir Meta me këto akuza rrezikon që ta shikojë dritë e diellit, minimalisht pas 5 vitesh.
Sepse kemi të bëjmë me një person që po vendoset në një masë sigurimi që në ditë e para të paraburgimit që i llogariten në një ditë e gjysmën.
Edhe nëse do marrë një dënim minimal prej 7 vitesh i llogaritet pjesa e procedurale se mund te behet me gjykim të shkurtuar ose të ulet 1/3 e dënimit.
Por në rastëse ai gjendet fajtor, që te mos hamendësojmë kot, ai do rikthehet ne jetën politike ose sociale pas 5 vitesh”, tha ai.
