Paris Saint-Germain ka informuar Neymar se nuk është i dëshiruar më në klub. Sipas RMC, klubi francez kërkon që të “ndërtojë” skuadrën e tij pa sulmuesin sezonin e ardhshëm.
Ndërkohë braziliani raportohet se kërkon të largohet pasi u zemërua me komentet e fundit të presidentit të PSG, Nasser Al-Khelaifi.
“Një largim i mundshëm i Neymar këtë verë? Ajo që mund t’ju them është se ne presim që të gjithë lojtarët të bëjnë shumë më tepër se sezonin e kaluar. Shumë më tepër! Ata të gjithë duhet të jenë 100 %. Për sezonin e ardhshëm objektivi është i qartë: të punojmë çdo ditë me 200%. Jepni maksimumin dhe do të shohim rezultatin”.
Babai i Neymar, i cili është edhe agjenti i brazilianit, i ka kërkuar klubit një dëmshpërblim prej 200 milionë euro për të prishur kontratën me klubin francez dhe të largohet.
United, Chelsea dhe Newcastle do të ishin opsionet e vetme reale të transferimit për Neymar nëse ai largohet nga PSG, të cilit iu bashkua për një shifër rekord prej 200 milionë paund në 2017.
Treshja e Premier League janë klubet e vetme që kanë fuqinë financiare për të përmbushur parisienët dhe kërkesat financiare të sulmuesit, por këta të fundit e kanë mohuar këtë gjë..
Barcelona gjithashtu ka shfaqur interes për ri-nënshkrimin me ish-lojtarin e tyre, por është dëmtuar nga vështirësitë financiare.
g.kosovari
