Pep Guardiola, trajneri i Manchester City, ka mohuar spekulimet e mediave se mund të rikthehet në Barcelonë në fund të këtij sezoni.
E ardhmja e Luis Enriques në krye të Barcelonës është në dyshim, sidomos pas humbjes nga PSG, me rezultat 4:0, në Ligën e Kampioneve.
Gjatë këtyre ditëve janë përmendur shumë emra të trajnerëve që mund ta marrin drejtimin e Barcelonës.
Në mesin e tyre ishte edhe emri i Pep Guardiolas. Por, ky i fundi ka shuar shpresat e fansave se do të rikthehet në Camp Nou, përcjell Express.
“Jo, unë nuk do të kthehem në Barcelonë për të qenë trajner atje”, ka deklaruar ish trajneri i Bayern Munich.Guardiola e ka drejtuar Barcelonën nga viti 2008 e deri më 2012. Ai me ekipin nga Camp Nou kishte fituar të gjithë trofetë e mundshëm. (b.an)
