Juristi Kreshnik Spahiu është shprehur se SPAK dhe kreu i këtij institucioni, Altin Dumani, nuk mbështeten nga kryeministri Edi Ram, por nga SHBA.
Komentet Spahiu i bëri në Euronews Albania, ku tha se Dumani nuk ka qenë i preferuari i Ramës dhe shtoi se dalja e tij e djeshme për mediat, kishte si qëllim të bindte publikun se ishte i pavarur.
Ai shtoi se besonte se në muajin shkurt SPAK do të ndërmerrte tre goditje të mëdha ndaj faktorëve të rëndësishëm politik.
“Muaji shkurt do jetë një muaj zjarr, që me çështjet që do të ndiqen do të eklipsojnë edhe atë të Berishës. Parashikoj që do të ketë 3 goditje të mëdha. Këta nuk janë më prokurorët që hipnin në autobus, por kanë një infrastrukturë mbrojtëse me makina, me shoqërues
Janë të njëjtët prokurorë që punojnë në kushte dhe rrethana të tjera dhe është pozitive që ata po shfaqin një tjetër anë të medalies, që ata nuk mund ta bënin të mundur në kushtet e vështura. Në të gjithë daljen që ka bërë Dumani, ka qenë të bindë publikun se ky SPAK nuk kontrollohet nga regjimi i Edi Ramës.
Dumani nuk ka qenë i preferuari i Ramës. Janë disa pushtete antagoniste në këtë moment, që i shërbejnë publikut. Pra unë mendoj se Altin Dumani dhe SPAK nuk kontrollohet nga regjimi i Ramës, por nga SHBA”, tha Spahiu.
/f.s
