Luçiano Moxhi në një intervistë të dhënë për “Sport Italia”, ka komentuar mbrojtësin Italian që luan me skuadrën e Milanit Leonardo Bunuçin.
Drejtori i klubit të Partizanit ka deklaruar se me atë performancë që po shfaq qendërmbrojtësi, po tregon se nuk është i vlefshëm as për Milanin dhe as për Italinë.
“Bonuçi aktivizohej te Juventus, një skuadër e kolauduar, me futbollistë që luajnë prej vitesh së bashku dhe me trajnerë që dinin si të motivonin lojtarët. Kjo pasi edhe Allegri, ashtu si edhe Conte dinë ta bëjnë shumë mirë një gjë të tillë.
Kur Bonuçi veproi kundër rregullave u dërgua në tribunë dhe kjo është mënyra e duhur se si duhet vepruar me të tillë futbollistë.
Ai ndodhet në vështirësi. U largua nga Juventus që luante me modulin 3-5-2 për të shkuar te Milani që preferon rreshtimin 4-4-2. Milani nuk luan si një skuadër. Është një ekip konfuz.
Bonuçi kundër Maqedonisë bëri gabime prej amatori. Është fakt: Kur nuk je në gjendjen e duhur psikologjike, mund të gabosh shumë në fushë.
Mendoj se Bonuçi është viktimë e vetvetes. Foli shumë kur u largua nga Juventusi. U bë kapiten i Milanit, por rendimenti i tij nuk është i duhuri, as për kuqezinjtë dhe as për kombëtaren e Italisë”, deklaroi Luçiano Moxhi. /b.d
