Besoni ose jo, Jose Mourinho thotë se po të kishte mundësi do t’i transferonte tek Chelsea të gjithë lojtarët e Arsenalit.
Chelsea e mposhti Arsenalin me rezultat 2:0 në Semford Brige, javën e katërt të Premierligës.
Por, edhe pse i mundi, strategu portugez thotë se po të kishte mundësi do t’i transferonte tek Chelsea të gjithë lojtarët e Arsenalit. Ai mendon se Arsen Wenger ka ekip për tu shpallur kampion.
“Më pëlqen çdo lojtar nga Arsenali. Unë po ju them, nëse ndonjëri nga lojtarët e tyre është i lirë dhe ata nuk e duan, ne do t’i transferojmë të gjithë”, ka deklaruar ish trajneri i Interit dhe Realit.
“Unë mendoj se Arsenali ka skuadër për të qenë kampionë”, ka theksuar Mourinho. Arsenali nuk e ka fituar titullin në Premierligë që nga sezonin 2003-2004.
