Trajneri i Manchester Unitedit, Jose Mourinho nuk është i kënaqur me mentalitetin e lojtarëve të tij përkundër fitores kundër Swansea-s. Unitedi i dha fund serisë prej katër ndeshjeve pa fitore në Premier Ligë, duke e mposhtur në udhëtim Swansean 1 me 3, transmeton Koha.net.
“Kam një mik që është lojtar i madh tenisi dhe ai më thotë se më shumë e mban mend se ka luajtur me dhimbje sesa pa dhimbje. Për të konkurruar duhet të arrini limitin tuaj. Për disa kjo është kulturë, dhe kjo nuk është kultura ime, por më shumë se unë është Unitedi.
Kemi lojtarë me probleme. Në çdo sport, dhe këtë e di pasi kam miq nga sportet e tjera që luajnë në nivelin më të lartë në sportin e tyre, dhe sa herë ata luajnë kur nuk janë 100 për qind të gatshëm”, ka thënë Mourinho, raporton Goal.
Lojtarët e Unitedit nuk kanë qenë në formë të lartë në këtë sezon, dhe këtë e tregon edhe renditja në tabelë. “Djajtë e Kuq” renditen të gjashtët pas 11 ndeshjeve, tetë pikë prapa liderit Liverpool, citohet Koha. (b.an)
